Da ligt nu der Scepter Juda vnd Mehokek / da ſtehet Dauids Haus fin ſter / beide von Mans vnd Frawen linien her. Darumb mus Meſſia da ſein / das rechte Liecht Dauids / der rechte Son / der ſein Haus / bis daher erhalten / nu fort in ewigkeit erhalten vnd leuchten ſol / Wie Gott geredt hat / Das der Scepter Juda bleiben ſol / bis Meſſia kome / Und Dauids Haus ewiglich beſtehen vnd nicht verleſſchen ſol. Aber Gott mus (wie geſagt) gleichwol der Juͤden luͤgener bleiben / als der Meſſia noch nicht geſand habe / wie er doch verheiſſen vnd geſchworen hat.
weiter ſpricht Gott durch Haggai. Ich
wil dis Haus vol herrligkeit machen / Ich hab Gold vnd Silber / Vnd die Herrligkeit dieſes letzten Hauſes / ſol groͤſſer ſein denn des erſten / etc. Es iſt war / groſſe Herrligkeit iſt dieſem Tempel geſchehen in den dreyhundert iaren / fur dem Antiocho / da die Perſen vnd Alexandri Nachkomen / die Koͤnige in Syrien / vnd Koͤnig Philadelphus in Egypten / gros gut dazu ga⸗ ben. Aber noch iſts dem erſten Tempel Salo⸗ monis / mit dem allen / nirgent gleich / in der herrligkeit / Es mus ein andere herrligkeit da ſein / oder jener des Salomo Tempel vberſicht dieſen weit weit. Denn dort war auch Gold
vnd Silber vberreichlich / Da zu die Lade / gnade