ſelbigen zeit in der letzten wochen / kein ander Meſſia getoͤdtet iſt / denn dieſer / Vnd Daniel doch mus einen getoͤdten Meſſia haben zur ſel⸗ bigen zeit / wie ſeine Wort helle da ſtehen.
Zu letzt reimet ſich auch der Spruch Haggai auff keinen andern nicht / Denn da iſt niemand an zu zeigen von Haggai zeit an / der da moͤcht mit dem geringſten ſchein / heiſſen aller Heiden Hemdath / Luſt oder Troſt / on dieſer IJheſus Chriſtus allein. An dieſem ha⸗ ben die Heiden nu bey 1500. iaren jren troſt / freude vnd luſt gehabt / wie das werck da fur augen noch ſtehet / Vnd die Juͤden ſelbs mit jrem fluchen bis daher beweiſen. Denn / Warum fluchen ſie vns ? allein darumb / das wir dieſen Jheſum den rechten Meſſia vnſern Troſt / freude vnd luſt / bekennen / rhuͤmen vnd loben / von dem wir vns nicht laſſen reiſſen noch ſcheiden / weder lieb noch leid / Sondern leben vnd ſterben in jm vnd vber jm / getroſt vnd williglich. Vnd je mehr die Juͤden / Tuͤr⸗ cken / vnd alle Feinde jn leſtern vnd ſchenden / je feſter wir an jm halten / vnd je lieber er vns hat / wie er ſpricht / Selig ſeid jr / wenn jr vmb mei⸗ nen willen verfolget vnd verleſtert werdet / Seid froͤlich / Ewr lohn iſt gros im Himel / Dem ſey lob vnd danck / ehre vnd preis / ſam pt dem Va⸗ ter vnd heiligen Geiſt / einigem / waren / rechten Gott / AME N. n iij So