Meſſia den Fuͤrſten / das iſt / bis auff Koͤnig Cores / das iſt auch heraus. Nu ſage mir / Wo ſtehet ſolchs geſchrieben ¶ Im Rauchloch / Wer hats geſagt ? Marcolfus / Wer kuͤnds ſonſt ſagen oder ſchreiben?
Da ſtehet der helle / klare text Daniel im anfang dieſes 9. Capitels / das dieſe offenba⸗ rung von den o. wochen / ſey jim geſchehen im erſten iar Darij / des Meden / der das Zoͤnig⸗ reich zu Babylon gewonnen hatte / da die erſte zerſtoͤrung Jeruſalem wol o. iar zuuor geſche⸗ hen war / wie Daniel klerlich daſelbs ſagt / das ſiebenzig iar der verwuͤſtung erfuͤllet weren / nach dem wort Jeremie 29. des gleichen ſagt auch 2. Paral. ultimo. Noch muͤſſen ſolche helle zween Spruͤche der Schrifft / als Daniel 9. vnd 2. Paral. vltimo / den Rabinen luͤgener ſein / Sie aber recht haben / das die zo. wochen / muͤſſen wol zo. iar ehe angefangen ſein / ehe ſie Daniel offenbart ſind. Iſt das nicht fein? Nu gleube en Rabinen / den groben vngelerten Eſeln / ſo weder Schrifft noch Piſtorien anſe⸗ hen / Vnd aus jrem freueln Maul daher ſpeien wider Gott vnd Engel / was ſie wollen.
Weil nu hiemit jre Luͤgen vnd falſcher Mutwil / oͤffentlich vberzeugt iſt / das die 20. wochen / ſo im erſten iar Darij Medi e