Regiment vnd allem zerſtoͤret iſt / wie der Engel ſpricht / Es ſind vo. wochen vber dein Volck vnd deine Stad abgerechent oder beſtimpt / da⸗ mit ein ende.
RKoͤnnen die Juͤden nu viel liegen vnd deu ten / jren jrthumb / wider ſolchen hellen gewalti gen text / zu erhalten / das thut jnen wol not. Die vorigen Luͤgen ſind in ſich ſelbs zu ſchan⸗ den worden. Aber wenn ſie hundert tauſent iar ſolten liegen vnd alle Teufel zu huͤlffe nemen / Noch muͤſten ſie jmer fur vnd fur mit ſchanden beſtehen. Denn es iſt vmmuͤglich einen Meſſia zu geben zur zeit der o. wochen / wie doch Ga⸗ briels offenbarung zwingt / wo es nicht ſein ſol Vnſer Herr Iheſus Chriſtus / Des ſind wir gewis / ſicher vnd froͤlich / Vnd bieten des mit einem kliplin trotz / allen pforten der Hellen / al⸗ len pforten der Welt / und allem was hoch / klug vnd weiſe / wider vns ſein / wil oder mag. Ich ein ſchlechter geringer heilige in Chriſto / ge⸗ trawe jnen allen allein wider zuſtehen / vnd ſolchs zu verteidigen / mit leichter / ſchlaffender / luſtiger erbeit. Aber den Teufel vnd die ſeinen zu bekeren / iſt nicht muͤglich / vns auch nicht befohlen / Iſt gnug / jre Luͤgen auffgedeckt / vnd die warheit offenbart. Wer nicht gleuben wil der Warheit vmb ſeiner ſeelen ſelbs willen / der mags vmb meinen willen wol laſſen.
b An dieſen