ſchlegt / vnd ſie wie Sodoma vnd Gomorra plotzlich mit feur verſenckt / iſt dieſe vrſache / das ſolche ſtraffe zu geringe iſt vber ſolche bos⸗ heit. Drumb ſchlecht er ſie mit geiſtlichem blitz vnd Donner / wie Moſẽ ſchreibt vnter andern Deutero. 28. Der HER wird dich ſchlahen mit. Wahnſinn / Blindheit vnd Raſen des Hertzen. Ja das ſind die rechten Wetteraxt / Blitz vnd Donnerſchlege / Wahnſinn / Blindheit / Raſend hertzen.
Wie wol nu ſolche ſchreckliche / ſchmeli⸗ che / leſterliche Luͤgen / die Perſon vnſers Herrn vnd ſeiner lieben Mutter / ſonderlich betreffen / ſo meinen ſie doch vnſer aller Perſon auch da⸗ mit / wollen vns den allerhoͤheſten hohn vnd verdries damit gethan haben / das wir ſolchen Me ſſia ehren / von jnen ſo ſchendlich zeflucht vnd verſpeiet / das ſie jn nicht werd halten / den ſie oder ein Menſch nennen / ſchweige denn ſein gedencken ſolt. Alſo muͤſſen wir ſein entgelten / das wir an jn gleuben / loben / ehren / dienen.
Wolt aber gerne fragen / Was hat denn der arme Man Iheſus / den heiligen Centen ge⸗ than ? Iſt er ein falſcher Lerer geweſt / wie ſie fur geben / So iſt er druͤmb geſtrafft / hat ſein recht druͤmb empfangen / mit einem ſchmelich⸗ en tod am creutz gebuͤſſet / bezalet vnd gnug ge⸗
d ij than.